சிவகார்த்திகேயன் அடுத்த படத்தை மாற்றி மாற்றி சொல்லி வரும் யூடியூபர்கள்.. உண்மை என்ன?

நடிகர் சிவகார்த்திகேயன் தற்போது ஏ.ஆர். முருகதாஸ் இயக்கத்தில் உருவாகி வரும் 'மதராஸி' மற்றும் சுதா கொங்கரா இயக்கத்தில் உருவாகி வரும் 'பராசக்தி' ஆகிய படங்களில் நடித்து வருகிறார். இந்த இரண்டு படங்களில் தான் தற்போது முழுக்க முழுக்க அவர் கவனம் செலுத்தி வருகிறார். இந்த நிலையில், அவருடைய அடுத்த படம் குறித்த செய்திகளை அவ்வப்போது யூடியூப் சேனல்கள் வெளியிட்டு வருகின்றன.

அவருடைய அடுத்த படத்தை குட்நைட் இயக்குனர் விநாயக் சந்திரசேகர் இயக்கப் போகிறார் என்றும், ஆனால் அந்தப் படம் தள்ளிப்போய்விட்டது, புஷ்கர் காயத்ரி படத்தில் தான் நடிக்கப் போகிறார் என்றும் கூறி வருகின்றனர். தற்போது திடீரென இந்த இரண்டு இயக்குனர்களும் இல்லை, வெங்கட் பிரபுதான் சிவகார்த்திகேயன் அடுத்த படத்தை இயக்குகிறார் என்றும் தெரிவித்துள்ளனர்.

ஆனால், இந்த மூன்றுமே உண்மையில்லை என்றும், சிவகார்த்திகேயன் தற்போது நடித்து கொண்டிருக்கும் இரண்டு படங்களையும் முடித்த பின்னர் தான் அடுத்த படத்தின் இயக்குனர் யார் என்பதை முடிவு செய்வார் என்றும் கூறப்படுகிறது. 

இப்போதைய நிலையை வைத்துப் பார்க்கும்போது, 'குட் நைட்' இயக்குனர் விநாயக் சந்திரசேகர் படம் தான் அடுத்த படமாக இருக்க அதிக வாய்ப்பு இருப்பதாகவும் கூறப்படுகின்றன. மேலும், இந்த படத்தில் மோகன்லால் மற்றும் ராஷ்மிகா மந்தனா நடிக்க இருப்பதாகவும், இந்த படம் மிகப்பெரிய பட்ஜெட்டில் உருவாக இருப்பதாகவும் கூறப்படுகிறது.

Edited by Siva