அடுத்தடுத்து பெரிய இயக்குனர்கள்… சிவகார்த்திகேயன் போடும் மாஸ்டர் ப்ளான்!

சிவகார்த்திகேயன் நடிப்பில் தீபாவளியை முன்னிட்டு ரிலீஸான ‘அமரன்’ திரைப்படம் மிகப்பெரிய வெற்றியைப் பெற்றுள்ளது. இதன் மூலம் வணிக ரீதியாக தன்னுடைய சினிமா கேரியரின் அடுத்த கட்டத்துக்கு சென்றுள்ளார் சிவகார்த்திகேயன்.

இதையடுத்து அவர் நடிக்கும் படங்களின் மீது எதிர்பார்ப்பு அதிகமாகியுள்ளது. அடுத்து முருகதாஸ் இயக்கத்தில் நடித்து வரும் அவர், அதன் பின்னர் சுதா கொங்கரா மற்றும் சிபி சக்ரவர்த்தி ஆகியோர் இயக்கத்தில் நடிக்கவுள்ளார்.

இதற்கிடையில் விஜய் 69 படத்தை இயக்கி வரும் ஹெச் வினோத்தை சமீபத்தில் சந்தித்து அவருடன் இணைந்து படம் பண்ணுவதற்கான பேச்சுவார்த்தையைத் தொடங்கியுள்ளதாக சொல்லப்படுகிறது. தன்னுடைய கேரியரை அடுத்தடுத்த கட்டத்துக்குக் கொண்டு செல்ல திட்டமிட்டு முன்னணி இயக்குனர்களின் படங்களில் அவர் நடிக்கத் தொடங்கியுள்ளார்