சிவகார்த்திகேயன் நடிப்பில் நெல்சன் திலீப் குமார் இயக்கத்தில் உருவாக்கிய டாக்டர் என்ற திரைப்படம் சமீபத்தில் வெளியாகி மிகப்பெரிய வெற்றி பெற்றது என்பது தெரிந்ததே. இந்த படம் உலகம் முழுவதும் சுமார் 100 கோடி ரூபாய் வசூலை நெருங்கி விட்டதாக கூறப்படுகிறது.
இந்த நிலையில் வரும் வியாழனன்று டாக்டர் திரைப்படம் கேரளாவில் வெளியாக இருக்கும் நிலையில் ஒரே வாரத்தில் அதாவது தீபாவளி அன்று இந்தப் படம் சன் டிவியில் ஒளிபரப்பாக இருப்பதாக அறிவிக்கப்பட்டுள்ளது திரையரங்கு உரிமையாளர்களுக்கு பெரும் அதிர்ச்சியை ஏற்படுத்தி உள்ளது.
ஆனால் அதே நேரத்தில் சிவகார்த்தியன் ரசிகர்களுக்கு தீபாவளி அன்று டாக்டர் திரைப்படம் சன் டிவியில் ஒளிபரப்பாக உள்ளதாக வெளிவந்திருக்கும் செய்தி கொண்டாட்டத்தை ஏற்படுத்தியுள்ளது என்பது குறிப்பிடத்தக்கது
திரையரங்கில் வெளியாகி ஒரு மாதம் கூட ஆகாத நிலையில் சன் டிவியில் டாக்டர் திரைப்படம் வெளியாகும் செய்தி திரையரங்கு உரிமையாளர்கள் மத்தியில் பரபரப்பை ஏற்படுத்தி உள்ளது.
