சிம்புவின் அடுத்த ரிலீஸ் தேதி இதோ:

சிம்புவின் 'AAA' படம் தமிழ் சினிமா இதுவரை இல்லாத மிகப்பெரிய தோல்வி அடைந்தததால் இனிமேல் சிம்பு அவ்வளவுதான்  என்று திரையுலகம் முடிவே செய்துவிட்டது. சிம்புவின் போட்டியாளர்கள் பாலிவுட், ஹாலிவுட் என பிசியாக இருக்கும் நிலையில் சிம்பு தனது தவறான பழக்கவழக்கத்தால் அவரே அவரது அழிவிற்கு காரணமாகிவிட்டதாக கூறப்படுகிறது.

இந்த நிலையில் சில காலத்துக்கு நடிப்பு முழுக்கு போட அவர் முடிவு செய்திருப்பதாகவும் புதுமுகங்களை வைத்து படம் ஒன்றை இயக்கவுள்ளதாகவும் செய்திகள் வெளிவந்தது.

ஆனால் தற்போது வெளிவந்துள்ள புதிய தகவலின்படி சிம்பு இனி இசையமைப்பில் கவனம் செலுத்தவுள்ளாராம். முதல்கட்டமாக தற்போது சந்தானம் நடித்து வரும் 'சக்க போடு போடு ராஜா' படத்திற்கு இசைய்மைத்துவரும் சிம்பு, அந்த படத்தின் பாடல்களில் கவனம் செலுத்தி வருகிறாராம். மேலும் இந்த படத்தின் சிங்கிள் பாடல் ஒன்றை விரைவில் வெளியிட தேதியும் குறித்தாகிவிட்டதாகவும் வரும் ஞாயிறு அன்று இந்த பாடலின் ரிலீஸ் தேதி அறிவிக்கப்படும் என்றும் கூறப்படுகிறது.