கோல்டன் விசா பட்டியலில் மீண்டும் ஒரு தமிழ் நடிகர்… வைரலாகும் புகைப்படம்!

நடிகர் சிம்புவுக்கு கோல்டன் விசா அளிக்கப்பட்டு இருப்பது குறித்த புகைப்படங்கள் இணையத்தில்  வெளியாகியுள்ளன.

கடந்த 2019-ம் ஆண்டு முதல் விசா வழங்கும் நடைமுறைகளில் பல்வேறு மாற்றங்களை கொண்டு வந்துள்ளது ஐக்கிய அரபு அமீரகம். இதையடுத்து இப்போது இந்தியாவைச் சேர்ந்த நடிகர்கள், விளையாட்டு வீரர்கள் ஆகியோர்களுக்கு கோல்டன் விசா எனும் சிறப்பு விசாவை வழங்கி வருகிறது. இந்த விசாவைப் பெறுபவர்கள் 10 ஆண்டுகள் எப்போது வேண்டுமானாலும் துபாய்க்கு சென்றுவரலாம். வேறு எந்த விசாவும் எடுக்க தேவையில்லை.

இந்த விசா இப்போது தென்னிந்தியாவைச் சேர்ந்த சினிமாக் கலைஞர்கள் பலருக்கு அளிக்கப்பட்டு வருகிறது. அந்த வகையில் மோகன்லால், மம்மூட்டி, துல்கர் சல்மான், டோவினோ தாமஸ், த்ரிஷா, காஜல் அகர்வால், பார்த்திபன், பாடகி சித்ரா மற்றும் நடிகர் கமல்ஹாசன் ஆகியோருக்கு வழங்கப்பட்டது. அந்த பட்டியலில் இப்போது தமிழ் சினிமாவின் பிரபல நடிகரான சிம்புவும் இணைந்துள்ளார். அவர் கோல்டன்  விசா பெறும் புகைப்படங்கள் தற்போது இணையத்தில் வைரலாகி வருகின்றன.