சமந்தா நடிக்கும் யசோதா படத்தில் ஹாலிவுட் ஸ்டண்ட் மாஸ்டர் யானிக் பென் நடன இயக்குனராக ஒப்பந்தம் ஆகியுள்ளார்.
நடிகை சமந்தா சமீபத்தில் தனது விவாகரத்து மற்றும் புஷ்பா படத்தில் கவர்ச்சி நடனம் ஆகியவற்றால் மிகவும் பரபரப்பான நடிகையாக பேசப்பட்டு வருகிறார். இந்நிலையில் சமந்தா மற்றும் நாக சைதன்யா ஆகிய இருவரின் ரசிகர்களும் மாறி மாறி மற்றவர்களை குற்றம் சொல்லிக் கொண்டு வந்தனர். ஆனால் சமந்தா இதை எதையும் காதில் வாங்கிக் கொள்ளாமல் கூலாக சினிமாவில் கவனம் செலுத்தி வருகிறார்.
அதுபோலவே சமுகவலைதளங்களில் தன்னுடைய புகைப்படங்களைப் பகிர்ந்து ரசிகர்களிடம் தொடர்பில் இருந்தவண்ணம் உள்ளார். இந்நிலையில் இன்று அவர் பகிர்ந்துள்ள புகைப்படம் ஒன்று கவனததை ஈர்த்துள்ளது. ஹாலிவுட்டைச் சேர்ந்த நடன இயக்குனர் யானிக் பென் என்பவருடன் இருக்கும் புகைப்படத்தைப் பகிர்ந்துள்ள சமந்தா, அவர் நடிக்கும் யசோதா படத்தில் பாடல்களுக்கு யானிக் நடனம் அமைப்பதை உறுதி செய்துள்ளார். சமந்தா பகிர்ந்துள்ள அந்த புகைப்படம் இணையத்தில் கவனத்தை ஈர்த்துவருகிறது.
