ராஜமௌலி இயக்கத்தில் உருவாகியுள்ள ஆர்ஆர்ஆர் படத்தின் முதல் பாடல் ஆகஸ்டில் வெளியாவதாக படக்குழு அறிவித்துள்ளது.
தெலுங்கு இயக்குனர் ராஜமௌலி இயக்கத்தில் ராம்சரண், ஜூனியர் எண்டிஆர் நடித்துள்ள படம் ஆர்.ஆர்.ஆர். சுதந்திர போராட்ட வீரர்களான அல்லுரி சீதராம ராஜூ மற்றும் கோமரம் பீம் ஆகியோரது வாழ்க்கையை மையப்படுத்திய இந்த கதையை ஆக்ஷன் படமாக இயக்கியுள்ளார் ராஜமௌலி. இந்த படத்திற்கு மரகதமணி இசையமைத்துள்ளார்.
தமிழ், தெலுங்கு உள்ளிட்ட 5 இந்திய மொழிகளில் இந்த படம் வெளியிடப்பட உள்ள நிலையில் இந்த படத்திற்கான தீம் சாங் குறித்த அறிவிப்பு வெளியாகியுள்ளது.
அதன்படி ஆகஸ்டு 1ம் தேதி காலை 11 மணிக்கு ஆர்ஆர்ஆர் படத்தின் நட்பு என்னும் முதல் பாடல் வெளியாகிறது. தமிழில் இந்த பாடலுக்கு மதன் கார்க்கி வரிகள் எழுதியுள்ள நிலையில், இசையமைப்பாளர் அனிருத் பாடலை பாடியுள்ளார்.