ஜனநாயகன் படத்தின் திரையரங்க விநியோக உரிமையைக் கைப்பற்றத் துடிக்கும் பிரபல விநியோகஸ்தர்!

GOAT படத்துக்குப் பிறகு விஜய், ஹெச் வினோத் இயக்கும் ‘ஜனநாயகன்’ படத்தில் நடித்து வருகிறார். அந்த படம் முடிந்ததும் அவர் சினிமாவை விட்டு முழு நேர அரசியலுக்கு செல்லவுள்ளார். அதனால் படத்தின் மீது மிகப்பெரிய அளவில் எதிர்பார்ப்பு நிலவுகிறது. இந்த படத்துக்கு அனிருத் இசையமைக்க, சத்யன் சூர்யன் ஒளிப்பதிவு செய்கிறார். KVN புரொடக்‌ஷன்ஸ் என்ற நிறுவனம் தயாரிக்கிறது.

இந்த படத்தில் கதாநாயகியாக பூஜா ஹெக்டே, மமிதா பைஜு, பிரகாஷ் ராஜ், பாபி தியோல் உள்ளிட்ட பலர் நடிக்கின்றனர். கடந்த ஆண்டு இறுதியில் இந்த படத்தின் ஷூட்டிங் தொடங்கியது. முதலில் ஒரு பிரம்மாண்டமானப் பாடல் காட்சியை படமாக்கினார் இயக்குனர் வினோத். இப்போது சென்னையில் முக்கியமானக் காட்சிகள் படமாக்கப்பட்டு வருகின்றன. பெரும்பாலானக் காட்சிகள் படமாக்கப்பட்டு விட்டதாக சொல்லப்படுகிறது.

அடுத்த ஆண்டு பொங்கல் பண்டிகைக்கு ரிலீஸாகவுள்ள இந்த படத்தின் தமிழக திரையரங்க விநியோக உரிமையை கைப்பற்ற ரோமியோ பிக்சர்ஸ் ராகுல் முயற்சி செய்து வருவதாக சொல்லப்படுகிறது. இவர் ஏற்கனவே விஜய்யின் ‘தி கிரேட்டஸ்ட் ஆஃப் ஆல் டைம்’ படத்தையும் தமிழகத்தில் விநியோகம் செய்தார் என்பது குறிப்பிடத்தக்கது.