தளபதி விஜய் நடித்த பிகில் திரைப்படம் கடந்த 25ஆம் தேதி வெளியாகி மிகப்பெரிய வரவேற்பை பெற்று திரையரங்குகளில் ஓடிவருகிறது. இந்த படம் உலகம் முழுவதும் ரூபாய் 200 கோடிக்கு மேல் வசூல் செய்து, தயாரிப்பாளர், விநியோகஸ்தர்கள், திரையரங்க உரிமையாளர்கள் என அனைவருக்கும் நல்ல லாபத்தைக் கொடுத்த வெற்றிப் படமாகக் கருதப்படுகிறது
மேலும் இந்த படம் விமர்சன அளவிலும் பெரும்பாலான பாசிட்டிவ் விமர்சனங்களை பெற்றுள்ளது. குறிப்பாக ராயப்பன் என்ற வயதான அப்பா கேரக்டர் அனைத்து தரப்பினர்களையும் கவர்ந்துள்ளது. ஊடகங்களும் கூட அந்த கேரக்டரில் விஜய் மிகச்சிறப்பாக நடித்து உள்ளதாக தெரிவித்து விஜய்க்கு பாராட்டு தெரிவித்து வருகின்றனர்
இந்த நிலையில் சமீபத்தில் பிகில் படத்தைப் பார்த்த சர்ச்சைக்குரிய நடிகையாக கருதப்படும் ஸ்ரீரெட்டி, தான் பிகில் படத்தைப் பார்த்ததாகவும் இரண்டு வேடங்களில் இந்த படத்தில் விஜய் நடித்துள்ளதாகவும், இருப்பினும் அப்பா கேரக்டர் விஜய்க்கு பொருத்தமாக இல்லை என்றும், அப்பா கேரக்டரிலும் அவர் இளமையாகவே தெரிவதாகவும், அந்த கேரக்டரில் வேறு யாராவது நடந்திருந்தால் நன்றாக இருந்திருக்கும் என்றும் கருத்து தெரிவித்தார்
ஸ்ரீரெட்டியின் இந்த கருத்தை வைத்து அஜித் விஜய் ரசிகர்கள் வழக்கம்போல் சமூக வலைதளங்களில் மோதி வருகின்றனர்
