கேம் சேஞ்சர் படத்தில் இரட்டை வேடத்தில் ராம்சரண் தேஜா?

தெலுங்கு சினிமாவில் பிரபலமான நடிகராக இருப்பவர் ராம்சரண். சமீபத்தில் இவர் நடித்து வெளியான RRR திரைப்படம் உலக அளவில் பிரபலமான நிலையில், ராம்சரணின் அடுத்த படமான கேம்சேஞ்சர் படத்தை இயக்குனர் ஷங்கர் இயக்க தெலுங்கு தயாரிப்பாளர் தில் ராஜூ தயாரிக்கிறார். இந்த படத்துக்கு இயக்குனர் கார்த்திக் சுப்பராஜ் கதை எழுதியுள்ளார். படத்தில் வில்லனாக எஸ் ஜே சூர்யா நடிக்கிறார்.

இந்த படத்தின் ஷூட்டிங் பல மாதங்களாக விட்டு விட்டு நடந்து வருகிறது. இயக்குனர் ஷங்கர் இந்தியன் 2 படத்தின் ஷூட்டிங்கிலும் பிஸியாக இருப்பதே இந்த படத்தின் தாமதத்துக்குக் காரணம். இந்த படத்தின் முதல் சிங்கிள் பாடல் இன்று ராம்சரணின் பிறந்தநாளை முன்னிட்டு வெளியானது. ஆனால் அந்த பாடல் பெரியளவில் தாக்கத்தை ஏற்படுத்தவில்லை.

இந்நிலையில் இப்போது இறுதிகட்ட ஷூட்டிங் நடந்து வரும் நிலையில் படத்தில் ராம்சரண் தேஜா இரட்டை வேடத்தில் நடிப்பதாக தகவல்கள் வெளியாகியுள்ளன. அவர் அப்பா, மகன் என இரட்டை வேடத்தில் நடிக்க உள்ளதாக சொல்லப்படுகிறது.