தமிழ் சினிமாவில் அறிமுகமே ரகுல் ப்ரீத் சிங்குக்கு பெரிய நடிகர்களோடு அமைந்தது. அடுத்தடுத்து மகேஷ் பாபு, கார்த்தி மற்றும் சூர்யா ஆகியோரின் படங்களில் நடித்து ஸ்பெஷல் எண்ட்ரி கொடுத்தார். ஆனால் அவரின் அறிமுகம் கன்னட சினிமாவில் பல ஆண்டுகளுக்கு முன்பே நடந்தது. தமிழில் ஒரு முன்னணி நடிகையாக வருவார் என்று எதிர்பார்க்கப்பட்ட நிலையில் அவரால் அதிக படங்களில் நடிக்க முடியவில்லை.
சமீபத்தில் அவர் நடித்த அயலான் திரைப்படம் ரிலீஸான நிலையில் அவர் கைவசம் இப்போது இந்தியன் 2 மட்டுமே உள்ளது. சமீபத்தில் இந்த படத்தின் இசை வெளியீட்டு விழா சென்னையில் நடந்தது.
இந்நிலையில் படம் பற்றியும் அதில் தன்னுடைய கதாபாத்திரம் குறித்தும் பேசியுள்ளார் ரகுல் ப்ரீத் சிங். அதில் “நான் இது கமல் சார் படம், ஷங்கர் சார் இயக்குகிறார் என்பதால் மட்டும் நடிக்க ஒப்புக்கொள்ளவில்லை. என்னுடைய கதாபாத்திரம் பிடித்தததால்தான் நடித்தேன். என் நிஜ வாழ்க்கையில் பொருத்திப் பார்க்கும்படியான கதாபாத்திரம் அமைந்ததால்தான் நடித்தேன். படத்தில் என்னுடைய கதாபாத்திரம் தலைக்கணம் கொண்ட தைரியமான பெண் வேடம்” எனக் கூறியுள்ளார்.
