ஆஸ்கார் நாயகன் ஏ.ஆர்.ரஹ்மான் அவர்கள் ஏற்கனவே சூப்பர் ஸ்டார் ரஜினியை கோச்சைடையான்' படத்தில் பாட வைத்தார். அதற்கு முன்னரே இசைஞானி இளையராஜா, 'மன்னன்' படத்தில் ரஜினியை பாட வைத்தார் என்பது குறிப்பிடத்தக்கது.
இந்த நிலையில் ரஜினியை மீண்டும் ஏ.ஆர்.ரஹ்மான் பாட வைக்கவுள்ளதாக செய்திகள் வெளிவந்துள்ளது. மணிரத்னம் இயக்கிய 'ரோஜா' படத்தில் அறிமுகமான ரஹ்மான், தனது 25ஆண்டு கால இசைப்பயணத்தை முடித்துள்ளதை அடுத்து அவருக்கு டெல்லியில் பாராட்டு விழா நடைபெறவுள்ளது
டெல்லி இந்திரா காந்தி விளையாட்டு மைதானத்தில் பிரமாண்டமான அரங்கில் கண்கவரும் நிகழ்ச்சிகளுடன் நடைபெறவுள்ள இந்த விழாவில் ரஜினிகாந்த் கலந்து கொள்கிறார். அதுமட்டுமின்றி ரஹ்மானும் ரஜினியும் இணைந்து ஒரு பாடலையும் பாடவுள்ளதாக அறிவிக்கப்பட்டுள்ளது. இருவரும் இணைந்து பாடும் பாடல் எதுவாக இருக்கும் என்பதே தற்போது அனைவரின் எதிர்பார்ப்பாக உள்ளது.
