ஜெயிலர் படத்துக்குப் பிறகு ரஜினிகாந்த் த செ ஞானவேல் இயக்கும் வேட்டையன் படத்தில் இப்போது நடித்து வருகிறார். இந்த படத்தின் பூஜை சில மாதங்களுக்கு முன்னர் சென்னையில் நடந்தது. முதல் கட்ட ஷூட்டிங் திருவனந்தபுரத்தில் தொடங்கியது. படத்தில் துஷாரா விஜயன், ரித்திகா சிங், மஞ்சு வாரியர், ராணா டகுபதி, பஹத் பாசில் மற்றும் அமிதாப் பச்சன் ஆகியோர் நடிக்கின்றனர்.
படத்தின் ஷூட்டிங்க் முடிந்துள்ள நிலையில் இப்போது போஸ்ட் புரொடக்ஷன் பணிகள் நடந்து வருகின்றன. வேட்டையன் திரைப்படம் அக்டோபர் 10 ஆம் தேதி ரிலீஸ் ஆகும் என அறிவிக்கப்பட்டு இருந்தது. ஆனால் இடையில் இந்த படத்தின் ரிலீஸ் தேதி தள்ளிவைக்கப்படலாம் என தகவல்கள் வெளியாகின. ஆனால் இன்று ரிலீஸ் தேதியை வேட்டையன் படக்குழு உறுதி செய்துள்ளது.
வேட்டையன் தள்ளிப் போகவுள்ளதாக வெளியான தகவலின் அடிப்படையில்தான் சூர்யாவின் கங்குவா அக்டோபர் 10 ஆம் தேதி ரிலீஸ் ஆகும் என படக்குழு அறிவித்து இருந்தது. அதைப் படத்தின் தயாரிப்பாளரே ஒரு நேர்காணலில் குறிப்பிட்டிருந்தார். ஆனால் இப்போது வேட்டையன் ரிலீஸ் தேதியை உறுதி செய்துள்ளதால் கங்குவா ரிலீஸ் தேதி மாற்றப்படலாம் என சொல்லப்படுகிறது.
