ஜெயிலர் படத்துக்குப் பிறகு ரஜினிகாந்த் த செ ஞானவேல் இயக்கும் வேட்டையன் படத்தில் நடித்துள்ளார். படத்தில் துஷாரா விஜயன், ரித்திகா சிங், மஞ்சு வாரியர், ராணா டகுபதி, பஹத் பாசில் மற்றும் அமிதாப் பச்சன் ஆகியோர் நடிக்கின்றனர. அனிருத் இசையமைக்க, எஸ் ஆர் கதிர் ஒளிப்பதிவு செய்யும் இந்த படத்தை லைகா புரொடக்ஷன்ஸ் நிறுவனம் தயாரிக்கிறது.
வேட்டையன் திரைப்படம் அக்டோபர் 10 ஆம் தேதி ரிலீஸ் ஆகும் என அறிவிக்கப்பட்டுள்ளது. ரிலீஸுக்கு இன்னும் 20 நாட்கள் உள்ள நிலையில் நேற்று படத்தின் இசை வெளியீட்டு விழா நடைபெற்றது. மேலும் இணையத்தில் வேட்டையன் டீசரும் வெளியானது. இதையடுத்து படத்தின் மீது எதிர்பார்ப்பு அதிகமாகியுள்ளது.
இந்நிலையில் படத்தின் தமிழக விநியோக உரிமையைக் கைப்பற்ற விநியோகஸ்தர்கள் மத்தியில் கடும்போட்டி நிலவுவதாக சொல்லப்படுகிறது. அதில் பிரபல விநியோகஸ்தரான ஃபைவ்ஸ்டார் செந்தில் ஒரு மிகப்பெரிய தொகையை சொல்லியுள்ளதாக தெரிகிறது. அதனால் அவர்தான் இந்த படத்தை ரிலீஸ் செய்வார் என்று சொல்லப்படுகிறது.
