ஷாருக் கான் படத்தின் தயாரிப்பாளரின் மகளுக்குக் கொரோனா – தனிமையில் குடும்பம்!

பாலிவுட் சூப்பர் ஸ்டார் ஷாருக் கான் நடித்த படங்களைத் தயாரித்த கரீம் மொரானியின் மகளுக்கு கொரோனா இருப்பது உறுதி செய்யப்பட்டுள்ளது.

இந்தியாவில் வேகமாகப் பரவி வரும் கொரோனா சாதாரண மக்கள், பிரபலங்கல் என எந்த வேறுபாடும் பார்க்காமல் எல்லோரையும் பாதித்து வருகிறது. ஏற்கனவே பாலிவுட் பாடகி கனிகா கபூருக்கு இந்த தொற்று இருந்து சிகிச்சைப் பெற்று குணமாகியுள்ளார். இந்நிலையில் மற்றொரு பாலிவுட் பிரபலக் குடும்பம் இப்போது இந்த வைரஸால் பாதிக்கப்பட்டுள்ளது.

ஷாருக் கான் நடித்த ரா ஒன் மற்றும் சென்னை எக்ஸ்பிரஸ் ஆகிய படங்களைத் தயாரித்தவர் கரீம் மொரானி. இவரின்  மகள் ஷாசா மொரானி சமீபத்தில் ஆஸ்திரேலியா சென்று வந்தார். முதலில் அவருக்கு எந்த அறிகுறிகளும் இல்லாத நிலையில் தற்போது அவருக்குக் கொரோனா இருப்பது உறுதியாகியுள்ளது.

இதையடுத்து ஷாசா மொரானி தற்போது, மும்பை நானாவதி மருத்துவமனையில் ஷாஜியா அனுமதிக்கப்பட்டு சிகிச்சை பெற்று வருகிறார். இதனால் கரீம் மொரானியின் குடும்பத்தார் தற்போது தனிமைப் படுத்தப்பட்டுள்ளனர்.