நடிகர் மாதவனுக்கு சமுகவலைதளத்தில் 100 ஆவது முறையாக ஐ லவ் யு சொல்லியுள்ளார் பிரியா பவானி சங்கர்.
தமிழ் ரசிகர்களுக்கு செய்தி வாசிப்பவராக அறிமுகமாகி பின்னர் சின்னத்திரை தொடரில் நடித்து பிரபலமானார் பிரியா பவானி சங்கர். ஒரு காலத்தில் சின்னத்திரை நடிகைகள் சினிமாவுக்குள் நுழைவது கடினமாக இருந்த நிலையில் அதை பொய்யாக்கும் விதமாக சினிமாவிலும் நுழைந்து வெற்றிகரமான நாயகியாக வலம் வந்து கொண்டிருக்கிறார். இப்போது கைவசம் 5க்கும் மேற்பட்ட படங்களைக் கையில் வைத்துள்ளார் அவர்.
இந்நிலையில் அவர் மாதவனின் மாறா திரைப்படம் குறித்து தனது சமூகவலைதளத்தில் வெளியிட்டுள்ளார். அதில் ‘100 ஆவது முறையாக உங்களிடம் சொல்கிறேன் ‘ஐ லவ் யு. நாங்கள் அனைவரும் உங்களை விரும்புகிறோம். பல நாட்கள் உங்கள் வேலைகளின் மூலம் வாழ்க்கையை அழகாக மாற்றுகிறீர்கள். அல்லது உங்களாலேயே. மாறாவுக்கும் மாதவனுக்கும் அன்புகள்’ எனத் தெரிவித்துள்ளார். பிரியா பவானி சங்கர் ஏற்கனவே பலமுறை தனது க்ரஷ் மாதவன்தான் என சொல்லியுள்ளார்.