Select Your Language

Notifications

webdunia
webdunia
webdunia
webdunia

நடிகராக அறிமுகமாகும் இயக்குனர் பிரபு சாலமன்… எந்த படத்தில் தெரியுமா?

Advertiesment
பிரபு சாலமன்

vinoth

, செவ்வாய், 4 மார்ச் 2025 (10:42 IST)
இயக்குனர் பிரபு சாலமன் தமிழில் மைனா, கும்கி போன்ற படங்களின் தனக்கான முத்திரையைப் பதித்து முன்னணி இயக்குனராக வலம் வந்து கொண்டிருக்கிறார். ஆனால் அவரின் கடைசி சில படங்கள் தோல்வி அடைந்து அவரை புகழ் வெளிச்சத்தில் இருந்து மறைய வைத்தன. கடைசியாக அவர் இயக்கிய செம்பி திரைப்படம் நல்ல விமர்சனங்களைப் பெற்றாலும் வசூல் ரீதியாக வெற்றி பெறவில்லை.

இந்நிலையில் இப்போது அவர் தன்னுடைய அடுத்த படத்தை இயக்கி முடித்துள்ளார். வனிதா விஜயகுமாரின் மகன் விஜய் ஸ்ரீஹரி இந்த படத்தின் மூலம் கதாநாயகனாக அறிமுகமாகியுள்ளார். இந்த படத்தின் முதல் லுக் போஸ்டர் வெளியாகி கவனம் பெற்றுள்ளது. போஸ்டரில் விஜய் ஸ்ரீஹரி ஒரு சிங்கக் குட்டியோடு கொஞ்சி விளையாடுவது போல உருவாக்கப்பட்டுள்ளது. இந்த படத்தின் ரிலீஸ் வேலைகள் நடந்து கொண்டிருக்கின்றன.

இதற்கிடையில் பிரபு சாலமன் ஒரு படத்தில் நடிகராக அறிமுகமாகிறார். நடிகர் உதயா மற்றும் யோகி பாபு ஆகியோர் நடிக்கும் ‘ஆக்யூஸ்ட்’ படத்தில்தான் பிரபு சாலமன் நடிக்க ஒப்பந்தம் ஆகியுள்ளார். இதைப் படக்குழு அதிகாரப்பூர்வமாக அறிவித்துள்ளது.

Share this Story:

Follow Webdunia tamil

அடுத்த கட்டுரையில்

சர்தார் 2 படப்பிடிப்பில் நடிகர் கார்த்திக்கு விபத்து.. ஷூட்டிங் நிறுத்தம்!