பிரபுதேவா, லட்சுமி மேனன், ஆர்ஜே பாலாஜி மற்றும் அஸ்வின் நடித்த யங் மங் சங் படத்தை இயக்குனர் எஸ் ஜே அர்ஜுன் இயக்கினார். இந்த படத்தைப் பற்றி பேசிய இயக்குனர் அர்ஜுன் “'பிரபு தேவா குங்பூ குறித்து காட்சிகளை ஒரு படத்தில் பார்க்கிறார். அதன் பின்னர் புருஸ் லீ இறந்தபோனது தெரியாமல் அவரிடம் குங்பூ கற்றுக்கொள்ள வேண்டும் என ஆசைப்படுகிறார் பிரபுதேவா. இதற்காக தனது நண்பர்கள் ஆர்ஜே பாலாஜி மற்றும் அஸ்வினுடன் சீனா செல்கிறார்.
சீனாவில் புருஸ் லீயின் கிராமத்துக்கு சென்று பார்த்தால், அவர் இறந்த பல வருடங்கள் ஆகிவிட்டது என்பது பிரபுதேவா மற்றும் நண்பர்களுக்கு தெரிகிறது. இதனால் அதிர்ச்சி அடைந்த அவர்கள் அங்கே குங்பூ கற்கிறார்கள் அதன் பிறகு ஏற்படும் பிரபுதேவாவுக்கு ஏற்படும் அனுபங்களே கதை ’ எனத் தெரிவித்திருந்தார். இந்த படத்தின் ஷூட்டிங் முடிந்து ஐந்து ஆண்டுகளுக்கு மேலாகியும் ரிலீஸாகாமல் இருந்தது.
இந்நிலையில் இப்போது இந்த படம் தூசு தட்டப்பட்டு தற்போது மே மாதத்தில் ரிலீஸாகவுள்ளதாக சொல்லப்படுகிறது.
