விஜய் அரசியலுக்கு சென்றதில் எனக்கு வருத்தம்தான்… பூஜா ஹெக்டே சொல்லும் காரணம்!

GOAT படத்துக்குப் பிறகு விஜய், ஹெச் வினோத் இயக்கும் ‘ஜனநாயகன்’ படத்தில் நடித்து வருகிறார். அந்த படம் முடிந்ததும் அவர் சினிமாவை விட்டு முழு நேர அரசியலுக்கு செல்லவுள்ளார். அதனால் படத்தின் மீது மிகப்பெரிய அளவில் எதிர்பார்ப்பு நிலவுகிறது. இந்த படத்துக்கு அனிருத் இசையமைக்க, சத்யன் சூர்யன் ஒளிப்பதிவு செய்கிறார். KVN புரொடக்‌ஷன்ஸ் என்ற நிறுவனம் தயாரிக்கிறது.

இந்த படத்தில் கதாநாயகியாக பூஜா ஹெக்டே, மமிதா பைஜு, பிரகாஷ் ராஜ், பாபி தியோல் உள்ளிட்ட பலர் நடிக்கின்றனர். கடந்த ஆண்டு இறுதியில் இந்த படத்தின் ஷூட்டிங் தொடங்கியது. முதலில் ஒரு பிரம்மாண்டமானப் பாடல் காட்சியை படமாக்கினார் இயக்குனர் வினோத். இப்போது சென்னையில் முக்கியமானக் காட்சிகள் படமாக்கப்பட்டு வருகின்றன.

இந்நிலையில் விஜய் அரசியலுக்கு செல்வது குறித்து பேசியுள்ள பூஜா ஹெக்டே “ஒரு ரசிகையாக எனக்கு விஜய் அரசியலுக்கு செல்வதில் வருத்தம்தான். அவரை இன்னும் அதிகமாக திரையில் பார்க்க நான் விரும்புகிறேன்.  ஆனால் அவரின் அரசியல் வருகைக்கு நான் ஆதரவு கொடுப்பேன். அவருக்கு நிறைய வலிமை கிடைக்கவேண்டும்” எனக் கூறியுள்ளார்.