தமிழில் விஜய் நடிப்பில் உருவாகும் தளபதி 65 படத்தில் நடித்து வருகிறார் பூஜா ஹெக்டே.
தமிழில் முகமூடி படத்திலேயே அறிமுகமாகி இருந்தாலும் ஒரு பெரிய பிரேக்குக்காக காத்திருந்தார் பூஜா ஹெக்டே. அந்த வாய்ப்பு இப்போது விஜய் 65 படத்தின் மூலம் நிறைவேறியுள்ளது. இதற்காக தான் ஒத்துக்கொண்ட சில தெலுங்கு மற்றும் பாலிவுட் படங்களுக்கான தேதிகளை ஒதுக்கியுள்ளாராம். இதனால் அவர் கேட்ட சம்பளத்தை ஒரு ரூபாய் கூட குறைக்காமல் ஒத்துக்கொண்டுள்ளதாம் சன் பிக்சர்ஸ்.
இந்நிலையில் தனது இரண்டாவது தமிழ்ப் படத்திலேயே விஜய்க்கு ஜோடியாகியுள்ள பூஜாவை நோக்கி தயாரிப்பாளர்கள் மொய்க்க ஆரம்பித்துள்ளனர். ஆனால் தளபதி 65 படம் முடிந்த பின்னர்தான் அடுத்த படம் பற்றி முடிவு செய்வேன் எனக் கூறிவிட்டாராம்.
