பெரிய ஸ்டார்கள் நடித்த படங்கள் ரிலீஸ் ஆகும்போதெல்லாம் கட் அவுட்டுக்கள் வைத்து டுவிட்டரில் டிரெண்டிங்கில் வருவது நெல்லை ராம் முத்துராம் சினிமா தியேட்டர் என்பது அனைவரும் அறிந்ததே. தென் தமிழகத்தில் முதல் டிடிஎஸ், டால்பி, 4K, 3D வசதிகள் கொண்ட தியேட்டர் இது என்பது குறிப்பிடத்தக்கது
இந்த நிலையில் இந்த திரையரங்கில் உள்ள மெயின் ஸ்க்ரீனில் வரும் பொங்கல் தினத்தில் சூப்பர் ஸ்டார் ரஜினியின் 'பேட்ட' திரைப்படம் ரிலீஸ் ஆகுமா? அல்லது அஜித்தின் 'விஸ்வாசம்' படம் ரிலீஸ் ஆகுமா? என்ற கேள்வி ரசிகர்களிடையே கடந்த சில நாட்களாக இருந்து வந்தது.
இந்த நிலையில் சற்றுமுன் இந்த திரையரங்கின் டுவிட்டர் பகக்த்தில் இரண்டு படங்களும் சம அளவிலான காட்சிகள் மெயின் ஸ்க்ரீனில் திரையிடப்படும் என அறிவிக்கப்பட்டுள்ளது. 'நம்ம பேட்டையில் விஸ்வாசமான பொங்கல் என்று அறிவிக்கப்பட்டுள்ளதால் தலைவர் மற்றும் தல ரசிகர்கள் மகிழ்ச்சி அடைந்துள்ளனர்.
