பிக்பாஸ் கவினுக்கு ஜோடியாகும் ‘குக் வித் கோமாளி’ போட்டியாளர்
பிக்பாஸ் கவின் தற்போது ’லிப்ட்’ என்ற படத்தில் நடித்து வருகிறார் என்பதும் இந்த படத்தின் படப்பிடிப்பு முடிவடைந்து விரைவில் வெளியாக இருக்கிறது என்பதும் தெரிந்தது
இந்த நிலையில் தற்போது மேலும் ஒரு படத்தில் நடிக்க கவின் ஒப்பந்தமாகி இருக்கிறார் இந்த படத்தின் படப்பிடிப்பு சமீபத்தில் தொடங்கி விறுவிறுப்பாக நடைபெற்று வருகிறது
இந்த நிலையில் இன்னும் டைட்டில் வைக்கப்படாத இந்த படத்தில் பவித்ரா லட்சுமி நடிக்க ஒப்பந்தமாகி இருப்பதாக தகவல்கள் வெளிவந்துள்ளது. இவர் ஏற்கனவே தற்போது விஜய் டிவியில் ஒளிபரப்பாகி வரும் ’குக் வித் கோமாளி என்ற நிகழ்ச்சியில் போட்டியாளராக உள்ளார் என்பது தெரிந்ததே
மேலும் கவினுடன் படப்பிடிப்பில் கலந்து கொண்ட போது எடுத்த புகைப்படத்தை பவித்ரா தனது சமூக வலைத்தளத்தில் பதிவு செய்துள்ளார் என்பதும் குறிப்பிடத்தக்கது. குக் வித் கோமாளி நிகழ்ச்சியில் கோமாளியாக இருக்கும் புகழ் ஏற்கனவே ஒரு சில படங்களில் நடித்து வருகிறார் என்பது குறிப்பிடத்தக்கது