பத்து தல படத்தின் ஷூட்டிங் கடந்த சில வாரங்களுக்கு முன்னர் முடிந்து ரிலீஸுக்கு தயாராகி வருகிறது.
கன்னடத்தில் ஹிட்டடித்த மப்டி படத்தை தமிழில் முதலில் அதே பெயரில் ரீமேக் செய்ய முடிவெடுத்தார் தயாரிப்பாளர் ஞானவேல் ராஜா. இந்த படத்தின் நாயகனாக கௌதம் கார்த்திக்கும், முக்கியமான ஒரு வேடத்தில் சிம்பு நடிக்கவும் ஒப்பந்தமாகி சில நாட்கள் படப்பிடிப்பு நடந்தது. ஆனால் அதன் பிறகு சிம்பு படப்பிடிப்பில் கலந்து கொள்ளாததால் நிறுத்தப்பட்டது.
இப்போது சில பல மாற்றங்களோடு ‘பத்து தல’ என்ற பெயரோடு அந்த படம் மீண்டும் தொடங்கப்பட்டு சிம்பு இல்லாத மற்ற காட்சிகள் அனைத்தும் படமாக்கப்பட்டு விட்டன. இதையடுத்து சிம்பு நடிக்கும் காட்சிகள் இப்போது படமாக்கப்பட்டு வருகின்றன. படத்தின் இறுதிகட்ட ஷூட்டிங் நடந்து வந்த நிலையில் இப்போது படப்பிடிப்பு முழுவதும் நிறைவு பெற்றுள்ளதாக அதிகாரப்பூர்வமாக அறிவிக்கப்பட்டுள்ளது. மேலும் படக்குழு சிம்புவுக்கு நன்றி தெரிவித்துள்ளது.
இந்நிலையில் இப்போது படத்தின் டப்பிங் பணிகள் நடந்து வருகின்றன. தான் டப்பிங் பேசும் புகைப்படத்தை வெளியிட்டுள்ளார் படத்தின் நாயகன் கௌதம் கார்த்திக் வெளியிட்டுள்ளார்.
