தமிழ் சினிமாவின் முன்னணி இயக்குனர் சுதா கொங்கரா. இவர் கடந்த 2010 ஆம் ஆண்டு துரோகி என்ற படத்தை இயக்கியிருந்தார். அதன்பின்னர், 2016 ஆம் ஆண்டு இறுதிச் சுற்று என்ற படத்தை இயக்கினார். அதன்பின்னர், கடந்த 2020 ஆம் ஆண்டு சூர்யா, அபர்ணா பாலமுரளி, கருணாஸ், மோகன்பாபு, ஊர்வசி ஆகியோர் நடிப்பில் வெளியான படம் சூரரைப் போற்று.
இப்படம் சூப்பர் ஹிட் வெற்றியைப் பெற்றது. ரசிகர்களும் இப்படத்திற்கு நல்லர வரவேற்புக் கொடுத்தனர். இப்படத்தை இயக்கிய சுதா கொங்கரா, நடிகர் சூர்யா ஆகியோருக்கு தேசிய விருது கிடைத்தது.
தற்போது இப்படம் இந்தியில், சூர்யா தயாரிப்பில், ஜிவி.பிரகாஷ் குமார் இசையில், அக்ஷய்குமார் நடிப்பில் ரீமேக் செய்யப்பட்டு வருகிறது.
இந்த நிலையில், இப்படம் நிறைவடைந்த பின், சுதா கொங்கரா இயக்கத்தில், நடிகர் சூர்யா மீண்டும் ஒரு படத்தில் நடிப்பது உறுதியாகியுள்ளது.
