ஷாருக் கானுக்கும் விபூதி அடித்த நயன்தாரா…ஜவன் ப்ரமோஷனுக்கும் மிஸ்ஸிங்!

ஷாருக்கான் நடிப்பில் தமிழ் இயக்குனர் அட்லி இயக்கும் ஜவான் திரைப்படத்தின் ஷூட்டிங் முடிந்து செப்டம்பர் 7 ஆம் தேதி ரிலீஸுக்கு தயாராகி வருகிறது. இந்த படத்தில் தமிழ் நடிகர்களான விஜய் சேதுபதி, நயன்தாரா மற்றும் யோகி பாபு ஆகியோர் நடித்துள்ளனர். இந்த படத்துக்கு அனிருத் இசையமைத்துள்ளார்.

இந்த படத்தின் ப்ரி ரிலீஸ் நிகழ்ச்சி சென்னையின் பிரபல கல்லூரியில் நேற்று மாலை நடந்தது. அந்த விழாவில் ஷாருக் கான், அட்லி, விஜய் சேதுபதி மற்றும் யோகி பாபு ஆகியோர் கலந்து கொண்டனர். ஆனால் படத்தின் நாயகியான நயன்தாரா கலந்து கொள்ளவில்லை.

சமீபகாலமாக நயன்தாரா தான் நடிக்கும் படங்களின் ப்ரமோஷன்களில் கலந்துகொள்வதில்லை. ஆனால் தன்னுடைய சொந்த பேனர் தயாரித்து அதில் நடிக்கும் படங்களுக்கு மட்டும் தாராளமாக ப்ரமோஷனில் கலந்து கொள்கிறார் என்பது குறிப்பிடத்தக்கது.