தமிழ் திரையுலகில் தற்போது சிங்கிள் பாடல் ரிலீஸ் செய்வதை ஒரு டிரெண்ட்டாக படக்குழுவினர்கள் கொண்டு வந்துவிட்டனர். அந்த வகையில் இன்று ஒரு படத்தின் சிங்கிள் ரிலீஸ் தேதி அறிவிப்பு வெளிவந்துள்ளது.
தமிழ் திரையுலகில் இசையமைப்பாளர் மற்றும் நடிகர் ஆகிய இரு அவதாரங்களில் ஜொலித்து வருபவர்களில் ஒருவர் ஹிப் ஹாப் தமிழா ஆதி. இவர் நடித்த 'முறுக்கு மீசை' நல்ல வெற்றியை பெற்றதை அடுத்து தற்போது 'நட்பே துணை' என்ற படத்தில் நடித்து வருகிறார்.
பார்த்திபன் தேசிங்கு என்பவர் இயக்கி வரும் இந்த படத்தை குஷ்பு தயாரித்து வருகிறார். இந்த படத்தின் சிங்கிள் பாடலான 'கேரளா சாங்' என்ற பாடல் வரும் 14ஆம் தேதி வெளிவரவுள்ளதாக ஹிப் ஹாப் தமிழா ஆதி தனது டுவிட்டரில் அறிவித்துள்ளார். இதுகுறித்து வெளியான போஸ்டரில் ஆதி, எமதர்மன் வேஷத்தில் உள்ளார் என்பது குறிப்பிடத்தக்கது.
ஆதிக்கு ஜோடியாக அனக்யா என்ற புதுமுகம் நடித்து வரும் இந்த படத்தில் இயக்குனர் கரு.பழனியப்பன் முக்கிய கேரக்டரில் நடித்து வருகிறார்.