மும்பை இந்தியன்ஸ்குக்கு இன்று வாழ்வா சாவா போட்டி!

ஐபிஎல் தொடரின் லீக் போட்டிகளின் இறுதிக்கட்டத்தில் இருக்கிறோம். இன்னும் 4 லீக் போட்டிகளே மீதம் உள்ளன.

இந்த ஆண்டு ஐபிஎல் தொடர் ஆரம்பத்தில் இருந்தே மும்பை இந்தியன்ஸ் அணிக்கு மிக மோசமாக அமைந்து வருகிறது. வலுவான பேட்டிங் மற்றும் பவுலிங் இருந்தும் அந்த அணியின் பல வீரர்கள் சொதப்பி வருகின்றனர். இதுவரை 12 போட்டிகளில் விளையாடியுள்ள மும்பை 5 வெற்றிகளை மட்டுமே பெற்றுள்ளது. அந்த அணி ப்ளே ஆஃப்க்கு செல்ல வேண்டுமென்றால் மீதமிருக்கும் இரண்டு போட்டிகளிலும் வென்று மற்ற அணிகளின் தோல்விகளுக்காக காத்திருக்க வேண்டும்.

இந்த வாழ்வா சாவா நிலையில் இன்று ராஜஸ்தான் ராயல்ஸ் அணியை மும்பை எதிர்கொள்கிறது. ராஜஸ்தான் அணியும் இதே நிலைமையில்தான் உள்ளது என்பதால் அவர்களும் கட்டாயம் வென்றாக வேண்டிய கட்டாயத்தில் உள்ளனர். அதனால் இன்றைய போட்டி இரு அணிகளுக்கும் வாழ்வா சாவா போட்டியாக இருக்கும்.