சமீபத்தில் கொரோனா வைரஸ் தொற்று ஏற்பட்டு சிகிச்சையில் இருக்கும் வடிவேலு நலமாக இருப்பதாக மக்கள் நல்வாழ்வுத்துறை அமைச்சர் மா சுப்ரமண்யன் தெரிவித்துள்ளார்.
தமிழ் சினிமாவின் மிக முக்கிய காமெடி நடிகராக இருப்பவர் வடிவேலு. கடந்த சில காலமாக பல்வேறு காரணங்களால் படம் நடிக்காமல் இருந்த வடிவேலு தற்போது சுராஜ் இயக்கத்தில் “நாய் சேகர் ரிட்டன்ஸ்” என்ற படத்தில் நடிக்க உள்ளார். இதற்கான பணிகள் தொடங்கிய நிலையில் நடிகர் வடிவேலு படப்பிடிப்பிற்காக லண்டன் சென்றிருந்தார். அங்கிருந்து சென்னை திரும்பிய நிலையில் அவருக்கு கொரோனா உறுதியாகியுள்ளது. இதனால் போரூரில் உள்ள தனியார் மருத்துவமனையில் வடிவேலு அனுமதிக்கப்பட்டுள்ளார்.
இந்நிலையில் மூன்று நாட்களாக சிகிச்சையில் இருக்கும் வடிவேலுவின் உடல்நிலை குறித்து மக்கள் நல்வாழ்வுத்துறை அமைச்சர் நேர்மறையான தகவலை வெளியிட்டுள்ளார். வடிவேலு நலமாக இருப்பதாக அவர் அறிவித்துள்ளார்.
