வாழ்க்கையே ஒரு பிக்பாஸ்தானே… ரசிகரின் கேள்விக்கு பதிலளித்த மகேந்திரன்!

நடிகர் மாஸ்டர் மகேந்திரன் இப்போது பல படங்களில் நடிக்கும் வாய்ப்பை பெற்று வருகிறார்.

தமிழ் சினிமாவில் சாதனை படைத்த குழந்தை நட்சத்திரமாக இருந்தவர் மாஸ்டர் மகேந்திரன். குழந்தை நட்சத்திரமாகவே ரஜினி, கமல்,  விஜய்காந்த், அஜித் மற்றும் விஜய் என அனைத்து முன்னணி நடிகர்களோடும் நடித்து 100 படங்களை தாண்டி நடித்தார். ஆனால் வளர்ந்து அவர் கதாநாயகனாக நடிக்க முடிவு செய்த போது அவருக்கு மிகப்பெரிய அளவில் வாய்ப்புகள் வரவில்லை. இந்நிலையில் இப்போது மாஸ்டர் படத்தில் சிறு வயது விஜய் சேதுபதி கதாபாத்திரத்தில் அவர் நடித்தது ரசிகர்களைக் கவர்ந்தது. அதனால் இப்போது அவருக்கான வாய்ப்புகள் அதிகளவில் வர ஆரம்பித்துள்ளதாக சொல்லப்படுகிறது.

இந்நிலையில் அவர் பிக்பாஸில் கலந்துகொள்ள போவதாக செய்திகள் வெளியாகின. எனவே இதுகுறித்து ரசிகர் ஒருவர் கேட்ட கேள்விக்கு ’வாழ்க்கையே ஒரு பிக்பாஸ்தானே’ எனத் தத்துவமழை பொழிந்துள்ளார்.