உலகம் முழுவதும் கொரோனா ஊரடங்கால் மார்வெல் படங்கள் வெளியாகாத சூழலில் மார்வெல் ரசிகர்களுக்கு விருந்தளிக்கும் வகையில் வெப் சிரிஸை களமிறக்கியுள்ளது மார்வெல் ஸ்டுடியோஸ்.
சூப்பர்ஹீரோ படங்கள் எடுப்பதில் முன்னணி நிறுவனமான மார்வெல் ஸ்டுடியோஸின் “ப்ளாக் விடோ” திரைப்படம் கடந்த மே மாதம் வெளியாக இருந்தது. ஆனால் கொரோனா பாதிப்புகள் காரணமாக ப்ளாக் விடோ பட ரிலீஸ் தள்ளி போனதுடன், அடுத்தடுத்த திரைப்பட பணிகளும் பாதிக்கப்பட்டுள்ளன.
இந்த ஆண்டில் மார்வெல் படங்களே வெளியாகததால் மார்வெல் ரசிகர்கள் மன வருத்தத்தில் இருந்த நிலையில் மார்வெலின் புதிய வெப் சிரிஸான “வாண்டா விஷன்” ட்ரெய்லர் தற்போது வெளியாகியுள்ளது. வாண்டா என்ற அதிசய சக்தி படைத்த பெண்ணுக்கும், விஷன் என்ற ரோபோவுக்கும் இடையேயான காதல் கலந்த அட்வெஞ்சர் கதைதான் இந்த வாண்டா விஷன்.
இந்த தொடர் டிஸ்னி ப்ளஸ்ஸில் வெளியாகிறது. இந்தியாவில் ஹாட்ஸ்டார் மூலமாக பார்க்கலாம் என்றாலும் ப்ரீமியம் ப்ளான் உள்ளவர்கள் மட்டுமே இதை காண முடியும். விஐபி சந்தாதாரர்களுக்கு இந்த வசதி இல்லை என்பது குறிப்பிடத்தக்கது.
வாண்டா விஷன் ட்ரெய்லரை காண…
