அஜித் மற்றும் பலர் நடிப்பில் உருவான மங்காத்த திரைப்படம் 10 ஆண்டுகளைக் கடந்துள்ளது.
அஜித் நடிப்பில் மிகப்பெரிய நட்சத்திர பட்டாளத்தோடு உருவான திரைப்படம் மங்காத்தா. அஜித்தின் 50 ஆவது படமான மங்காத்தாவை அதுவரை தனது குழுவினரோடு சிறிய படங்களை இயக்கி வந்த வெங்கட்பிரபு பிரம்மாண்டமாக உருவாக்கினார். அப்போது 30 கோடி ரூபாய் பட்ஜெட்டில் உருவான திரைப்படம் 80 கோடி ரூபாய் அளவுக்கு வசூலித்து மிகப்பெரிய வெற்றியைப் பெற்றது. இன்றளவும் அஜித் ரசிகர்கள் கொண்டாடும் படமாக உள்ளது.
இந்நிலையில் 2011 ஆம் ஆண்டு ஆகஸ்ட் மாதம் 31 ஆம் தேதி வெளியான இந்த படம் நேற்று 10 ஆண்டுகளை நிறைவு செய்துள்ளது. இது சம்மந்தமாக அஜித் ரசிகர்கள் இணையத்தில் தங்கள் மகிழ்ச்சியை வெளிப்படுத்தி வருகின்றனர். மேலும் மங்காத்தா 2 வரவேண்டும் என்றும் ஆசையை வெளிப்படுத்தி வருகின்றனர்.
