ரசிகர்களோடு உரையாடும் மணிரத்னம்! உங்கள் கேள்விகளைக் கேட்கலாம்!

தமிழ் சினிமாவின் முன்னணி இயக்குனர்களில் ஒருவரான மணிரத்னம் தனது ரசிகர்கள் கேட்கும் கேள்விகளுக்குப் பதில் அளிக்க இருக்கிறார்.

கொரோனா காரணமாக மொத்த உலகமும் வீட்டில் முடங்கியுள்ள நிலையில் சினிமா பிரபலங்கள், விளையாட்டு வீரர்கள் மற்றும் அரசியல் தலைவர்கள் தங்கள் ரசிகர்களுடன் சமூகவலைதளங்களின் மூலம் உரையாடி வருகின்றனர். இந்நிலையில் மணிரத்னத்தின் மனைவியும் நடிகையுமான சுஹாசினி மணிரத்னத்திடம் ரசிகர்கள் கேட்கவேண்டிய கேள்விகளை தங்களது சுய அறிமுகத்தோடு வீடியோவாக எடுத்து அனுப்பினால் அந்த கேள்விகளுக்கு அவர் பதிலளிப்பார் என அறிவித்துள்ளார்.

ரசிகர்களின் எல்லா கேள்விகளுக்கும் மணிரத்னம் அளிக்கும் பதில் இன்று மாலை 5 மணிக்கு வெளியாகும் எனவும் அறிவித்துள்ளார்.