மாரி-2 "ரவுடி பேபி" முதல் சிங்கிள் வெளியானது!

மாரி 2 திரைப்படத்தின் சிங்கிள் பாடல் "ரவுடி பேபி" வெளியானது.

இயக்குநர் பாலாஜி மோகன் இயக்கத்தில் கடந்த 2015-ஆம் ஆண்டு வெளியாகி நல்ல வரவேற்பை பெற்ற திரைப்படம் 'மாரி'. இப்படத்தின் இரண்டாம் பாகமாக மாரி-2 திரைப்படம் தற்போது உருவாகி வருகிறது. நடிகர் தனுஷ் நடிக்கும் இப்படத்திற்கு தனுஷ்-க்கு ஜோடியாக சாய் பல்லவி நடித்து வருகிறார். மேலும், வரலட்சுமி சரத்குமார், டொவினோ தாமஸ், ரோபோ சங்கர் ஆகியோர் முக்கிய கதாபாத்திரங்களில் நடித்து வருகின்றனர்.

கடந்த ஜூன்-26 ஆம் தேதி படத்தின் ஒரு பாடல் காட்சி மட்டும் மீதமிருப்பதாக அறிவித்த படக்குழுவினர் கடந்த ஆகஸ்ட் மாதம் தங்கள் படத்தின் படப்பிடிப்பு நிறைவடைந்ததாக தெரிவித்தனர்.

இந்நிலையில் இப்படத்தில் இடம்பெற்றுள்ள ரவுடி பேபி பாடலின் லிரிக்கெல் வீடியோவினை படக்குழுவினர் தற்போது வெளியிட்டுள்ளனர். இந்த பாடலுக்கு யுவன் ஷங்கர் ராஜா இசை அமைக்க நடிகர் தனுஷ் எழுதி பாடியுள்ளார்.

ரசிகர்கள் மத்தியில் பெரும் எதிர்பார்ப்பினை ஏற்படுத்தியுள்ள "மாரி 2 "அடுத்தமாதம் வெளியாகவுள்ளது என்பது குறிப்பிடத்தக்கது.