சிம்பு எஸ் ஜே சூர்யா நடிப்பில் வெங்கட் பிரபு இயக்கிய மாநாடு படம் அதன் தயாரிப்பாளர், விநியோகஸ்தர்கள் மற்றும் திரையரங்க உரிமையாளர்கள் என அனைத்துத் தரப்பினருக்கும் லாபம் கொடுத்துள்ளது. இதுபோல சிம்புவின் படம் ஒன்று அனைத்துத் தரப்பினருக்கும் லாபம் கொடுத்து ஒரு மாமாங்கம் ஆகிறது. திரையரங்கு வருவாய் மூலமாக மட்டுமே சுமார் 100 கோடி ரூபாய் வருவாய் ஈட்டிய முதல் சிம்பு படமாக அமைந்துள்ளது.
இதனால் இந்த படத்தை மற்ற மொழிகளில் ரீமேக் செய்ய தயாரிப்பாளர்கள் மத்தியில் ஆர்வம் அதிகமாக உள்ளது. இந்நிலையில் மாநாடு படத்தின் அனைத்து மொழி ரீமேக் உரிமையையும் தெலுங்கு தயாரிப்பு நிறுவனமான சுரேஷ் புரொடக்ஷன்ஸ் என்ற நிறுவனம் கைப்பற்றியுள்ளது.
இந்நிலையில் இப்போது இந்த படத்தை ஆங்கிலத்தில் டப் செய்து வெளியிட உள்ளதாக சொல்லப்படுகிறது. படத்தில் டப்பிங் பேசியுள்ள அவரவர் குரலிலேயே ஏ ஐ தொழில்நுட்பம் மூலமாக ஆங்கிலத்தில் டப் செய்ய முடிவு செய்துள்ளதாக சொல்லப்படுகிறது.
