குஷ்புவுடன் இணைந்து ஹாக்கி விளையாடும் பிரபல இசையமைப்பாளர்

குஷ்பு தயாரிப்பில் நடிகரும் இசையமைப்பாளருமான ஹிப் ஹாப் தமிழா ஆதி நடித்து இயக்கிய 'மீசையை முறுக்கு' திரைப்படம் நல்ல வரவேற்பை பெற்ற நிலையில் மீண்டும் இதே கூட்டணி இணையவுள்ளது.

குஷ்புவின் அவ்னி மூவீஸ் தயாரிப்பில் ஆதி நடிக்கும் அடுத்த படம் ஹாக்கி விளையாட்டை மையமாக கொண்டது. சிவகார்த்திகேயன் நடித்த 'ரெமோ மற்றும் 'மான் கராத்தே ஆகிய படங்களில் உதவி இயக்குனராக இருந்த பார்த்திபன் தேசிங்கு என்பவர் இந்த படத்தின் மூலம் இயக்குனராக அறிமுகமாகிறார்.

ஹிப் ஹாப் தமிழா ஆதிக்கு ஜோடியாக அனேகா என்ற நடிகை இந்த படத்தில் நடிக்கவுள்ளார். ஹீரோவாக நடிப்பது மட்டுமின்றி இசையும் அமைக்கும் ஆதி இந்த படத்திற்காக எட்டு பாடல்களை கம்போஸ் செய்யவுள்ளார்.

இரவுக்கு ஆயிரம் கண்கள்' படத்தில் ஒளிப்பதிவாளராக பணிபுரிந்த அரவிந்த் சிங் இந்த படத்திற்கு ஒளிப்பதிவு செய்யவுள்ளார். இந்த படத்தின் டைட்டில் மற்றும் ஃபர்ஸ்ட்லுக் வரும் 4ஆம் தேதி வெளியாகவுள்ளது