விஜய் சேதுபதி நடித்துள்ள “காத்து வாக்குல ரெண்டு காதல்” படத்தின் கலக்கலான டிப்பம் டப்பம் பாடல் வெளியாகியுள்ளது.
விக்னேஷ் சிவன் இயக்கத்தில் விஜய் சேதுபதி, நயன்தாரா, சமந்தா நடித்துள்ள முக்கோண காதல் கதை “காத்து வாக்குல ரெண்டு காதல்”. இந்த படத்திற்கு அனிருத் இசையமைத்துள்ளார். இந்த படத்தின் பாடல்கள் ஏற்கனவே வெளியாகி ட்ரெண்டாகியுள்ளது. இந்நிலையில் சமீபத்தில் படத்தில் வரும் “டூ டூ டூ” பாடலின் க்ளிம்ப்ஸ் வெளியிடப்பட்டுள்ளது.
இதையடுத்து சமந்தா மற்றும் விஜய் சேதுபதியின் காதல் கதை பாடலாக ‘டிப்பம் டப்பம்’ பாடலின் லிரிக் வீடியோ தற்போது வெளியாகியுள்ளது. இந்த பாடல் ஒரு பப்பில் உருவாக்கப்பட்டுள்ளது. பப்பில் பவுன்சராக விஜய் சேதுபதியும், தனது காதலரோடு வரும் பெண்ணாக சமந்தாவும் நடித்துள்ளனர். இந்த பாடலை அந்தோனி தாசன் பாடியுள்ளார். இந்த பாடலின் லிரிக் வீடியோ தற்போது இணையத்தில் வைரலாகி வருகிறது.
