கடந்த 2014 ஆம் ஆண்டு உக்ராம் என்ற கன்னட படத்தின் மூலம் இயக்குநராக அறிமுகம் ஆனவர் இயக்குநர் பிரசாந்த் நீல்ஸ்.
இவர் கடந்த 2018 ஆம் ஆண்டு கே.ஜி.எஃப் சேப்டர் 1 என்ற படத்தை நடிகர் யாஷ்-ஐ வைத்து இயக்கினார்.
இப்படம் இந்தியா மட்டுமின்றி உலகளவில் வசூலை வாரிக் குவித்தது. அதுமட்டுமின்றி பிரஷாந்த் நீல்ஸ் மற்றும் நடிகர் யாஷிற்க் மிகப்பெரிய ரசிகர் வட்டாரத்தை ஏற்படுத்தியது.
மேலும் கேஜிஎஃப் சேப்டர் 2 படம் ஜூலை 16 ஆம் தேதி ரிலீஸாகும் என அதிகாரப்பூர்வமாக அறிவிக்கப்பட்ட நிலையில் தற்போது கொரொனா இரண்டாம் அலைப்பரவலால் தள்ளிபோகும் எனத் தகவல் வெளியாகிறது.
இந்நிலையில், கேஜிஎஃப் பட பாடல்கள் கொண்ட தென்னிந்திய ஆடியோ உரிமையை பிரபல லஹரி மியூசிக் நிறுவனம் 7 கோடியோ 20 லட்சத்திற்கு வாங்கியுள்ளது.
இதுகுறித்த அறிவிப்பை படக்குழுவினரும் லஹரி ஆடியோ உரிமை பெற்ற ஒப்பந்தம் குறித்து அதிகாரப்பூர்வமாக அறிவித்தனர்.
இந்நிலையில், கேஜிஎஃப் சேப்டர் -2 எப்போது ரிலீஸாகும் என ரசிகர்கள் எதிர்பார்த்துக் கொண்டிருக்கும் நிலையில், இப்படத்தின் ரிலீஸ் தேதி விரைவில் அறிவிக்கப்பட உள்ளதாக படக்குழு தெரிவித்துள்ளது.
மேலும், இப்படம் தமிழ், கன்னடம், தெலுங்கு, மலையாளம், இந்தி உள்ளிட்ட் மொழிகளில் வெளியாகவுள்ளது குறிப்பிடத்தக்கது.
