நடிகர் கார்த்தி நடிக்கும் அடுத்த படம் குறித்த அறிவிப்பு நேற்று வெளியானது என்பதும் சர்தார் என்று டைட்டில் வைக்கப்பட்டுள்ளது என்பதும், இந்த படத்தின் மோஷன் போஸ்டர் வெளியானது என்பதை ஏற்கனவே பார்த்தோம். இந்த மோஷன் போஸ்டர் சமூக வலைதளங்களில் வைரல் ஆகி வரும் நிலையில் தற்போது கார்த்தி நடிக்கும் கேரக்டர் குறித்த தகவல் கசிந்துள்ளது
கார்த்திக் இந்த படத்தில் இரட்டை வேடத்தில் நடிக்க இருப்பதாகவும் அதில் ஒன்று போலீஸ் கேரக்டர் என்றும், இன்னொன்று விஞ்ஞானி கேரக்டர் என்றும் கூறப்படுகிறது. பிஎஸ் மித்ரன் இயக்கும் இந்தப் படம் டெக்னாலஜி சம்பந்தப்பட்ட கிரைம் சப்ஜெக்ட் என்றும் இந்தப் படம் இதுவரை தமிழில் வெளிவராத கதையம்சம் கொண்டது என்றும் கூறப்படுகிறது
சிறுத்தை மற்றும் காஷ்மோரா ஆகிய திரைப்படங்களில் இரட்டை வேடங்களில் நடித்துள்ள கார்த்தி மீண்டும் மூன்றாவது முறையாக இரட்டை வேடங்களில் நடிக்க உள்ளார் என்பது குறிப்பிடத்தக்கது. இந்த படத்திற்கு இசையமைக்கும் ஜிவி பிரகாஷ் ஏற்கனவே இரண்டு பாடல்களை கம்போஸ் செய்து முடித்துவிட்டதாகவும் இன்னும் மூன்று பாடல்களை அவர் கம்போஸ் செய்ய இருப்பதாகவும் கூறப்படுகிறது. கார்த்தி ஜோடியாக ராஷிகண்ணா நடிக்கும் இந்த படத்தில் ரஜிஷா விஜயன் முக்கிய கேரக்டரில் நடிக்கிறார் என்பது குறிப்பிடத்தக்கது.
