கார்த்தி நடிக்கும் மார்ஷல்.. சாய் அப்யங்கர் இசை – முதல் பார்வை போஸ்டர் வெளியீடு!

வெற்றிமாறனின் உதவி இயக்குனரும் அசுரன் மற்றும் விடுதலை ஆகிய படங்களின் மூலம் நடிகராகவும் அறியப்பட்டவர் தமிழ். அவர் இயக்கத்தில் நடிகர் விக்ரம் பிரபு நடித்த ‘டாணாக்காரன்’ திரைப்படம் டிஸ்னி பிளஸ் ஹாட் ஸ்டார் ஓடிடியில் கடந்த 2021 ஆம் ஆண்டு ரிலீஸாகி வெற்றிப் படமாக அமைந்தது.

இந்நிலையில் அவர் தனது அடுத்த படத்தில் கார்த்தியை இயக்கவுள்ளார். இந்த படத்தை ட்ரீம் வாரியர்ஸ் பிக்சர்ஸ் நிறுவனம் தயாரிக்க உள்ளது. இந்த படத்தின் கதைக்களம் 1960 களில் கடற்கரை மற்றும் கப்பல் பின்னணியில் நடப்பது போல உருவாக்கப்பட்டதால் முன்தயாரிப்பு பணிகள் நீண்ட நாட்களாக நடந்து வருகிறது.

இந்நிலையில் இன்று சென்னையில் இந்த படத்தின் பூஜை சென்னையில் நடந்தது. அதையடுத்து படத்தின் டைட்டில் ‘மார்ஷல்’ என அறிவிக்கப்பட்டு முதல் லுக் போஸ்டர் வெளியிடப்பட்டுள்ளது. இதில் கடற்கரை கிராம பின்னணியில் ஒரு நபர் கையைக் கட்டிக்கொண்டு-முகம் தெரியாமல் நிற்பது போன்று வடிவமைக்கப்பட்டுள்ளது. படத்துக்கு சத்யன் சூர்யன் ஒளிப்பதிவு செய்ய, சாய் அப்யங்கர் இசையமைக்கிறார். ஐஸ்வர்யா லஷ்மி கதாநாயகியாக நடிக்கிறார்.