ஓனம் பண்டிகையை முன்னிட்டு வெளியான ‘லோகா’ திரைப்படம் மிகப்பெரிய அளவில் ரசிகர்களைக் கவர்ந்துள்ளது. கல்யாணி பிரியதர்ஷன் மற்றும் நஸ்லென் ஆகியோர் நடிப்பில் டோம்னிக் எழுதி இயக்கியுள்ள ‘லோகா’ திரைப்படம் ஹாலிவுட்டில் வெளியாகும் vampire வகை சூப்பர் வுமன் வகைத் திரைப்படமாக உருவாகியுள்ளது.
இந்த படத்தை துல்கர் சல்மான் தன்னுடைய ‘wayfrayers films’ நிறுவனத்தின் மூலம் தயாரித்துள்ளார். இந்த படம் மோகன்லாலின் ‘ஹ்ருத்யபூர்வம்’ திரைப்படத்தோடு வெளியானது. முதலில் குறைவான திரைகளில் வெளியான இந்த திரைப்படம் நல்ல விமர்சனங்களைப் பெற்று தற்போது 100க்கும் மேற்பட்ட திரைகள் அதிகரிக்கப்பட்டுள்ளன.
அதுபோல நாளுக்கு நாள் வசூலும் அதிகரித்து வருகிறது. ஐந்து நாட்களில் இந்திய அளவில் மட்டும் இந்த படம் சுமார் 23 கோடி ரூபாய்க்கு மேல் வசூலித்துள்ளது. இது மோகன்லாலின் ‘ஹ்ருத்யபூர்வம்’ படத்தின் வசூலை விட அதிகம் என்று சொல்லப்படுகிறது. இந்த படம் கேரளாவில் மட்டுமில்லாமல் தமிழ்நாட்டிலும் டப் செய்யப்பட்டு வெளியாகி கவனம் ஈர்த்து வருகிறது.
