’கங்குவா' படத்திற்கு திட்டமிட்டு அவதூறு பரப்பப்படுகிறது: ஜோதிகா கொந்தளிப்பு!

’கங்குவா' படத்திற்கு திட்டமிட்டு நெகட்டிவ் விமர்சனம் பரப்பப்படுகிறது என நடிகை ஜோதிகா கொந்தளிப்புடன் கூறியுள்ளது பரபரப்பை ஏற்படுத்தி உள்ளது.

சூர்யா நடித்த ’கங்குவா' திரைப்படம் கடந்த வியாழன் அன்று வெளியான நிலையில் இந்த படத்தின் முதல் காட்சி முடிந்தவுடன் நெகட்டிவ் விமர்சனங்கள் பரப்பப்பட்டது என்பதும் சூர்யா மற்றும் சிறுத்தை சிவா ஆகிய இருவரையும் கேலி செய்து மீம்ஸ்கள் வைரல் ஆகியது என்பது குறிப்பிடத்தக்கது.

இதன் காரணமாக அடுத்தடுத்த நாட்களில் தியேட்டர்களில் சுத்தமாக கூட்டமே இல்லை என்றும் ’கங்குவா'  சூர்யாவின் திரையுலக வாழ்வில் மிகப்பெரிய தோல்வி படம் என்றும் கூறப்பட்டு வந்தது .

இந்த நிலையில் நடிகை ஜோதிகா ’கங்குவா' படத்திற்கு திட்டமிட்டு அவதூறு பரப்பப்படுவதாக கூறியிருப்பது பரபரப்பை ஏற்படுத்தி உள்ளது. மற்ற பெரிய பட்ஜெட் படங்களுக்கு வராத விமர்சனங்கள் ’கங்குவா' படத்திற்கு மட்டும் வருவது ஏன் என்று கேள்வி எழுப்பிய ஜோதிகா படத்தில் 30 நிமிடங்கள் மட்டுமே நன்றாக வரவில்லை, சத்தம் இரைச்சலாக உண்பதை உள்ளது என்பதை நான் ஒப்புக்கொள்கிறேன்’ என்றும் கூறியுள்ளார்.

மேலும் பெண்களை கேலி செய்யும் இரட்டை அர்த்த வசனம் கொண்ட படங்களுக்கு கூட எதிர்மறை விமர்சனங்கள் வருவதில்லை என்றும் அவர் ஆதங்கத்துடன் தெரிவித்துள்ளார். ஊடகங்கள் மற்றும் சிலரின் எதிர்மறையான விமர்சனங்கள் எனக்கு ஆச்சரியத்தை ஏற்படுத்தி இருக்கிறது என்றும் ஏனெனில் நான் முன்பு பார்த்த மிகப்பெரிய அறிவுக்கு மாறான பெரிய பட்ஜெட் படங்களில் பெண்களை பின்தொடர்வது, இரட்டை அர்த்த வசனங்கள் பேசுவது போன்றவற்றுக்கு எல்லாம் இந்த அளவுக்கு யாரும் விமர்சனம் செய்யவில்லை என்றும் அவர் தெரிவித்துள்ளார்.

View this post on Instagram

A post shared by Jyotika (@jyotika)

Edited by Siva