தமிழ் சினிமாவில் சில ஆண்டுகளுக்கு முன்புவரை மார்க்கெட்டில் இருந்தவர் நடிகர் ஜீவா. அவர் நடித்த கோ, நண்பன்,ஈ உள்ளிட்ட பல படங்கள் வெற்றிப் படங்களாக அமைந்தன. ஆனால் அந்த வெற்றிகளை தக்கவைத்துக் கொள்ளும் விதமாக அவர் அடுத்தடுத்த படங்களை தேர்வு செய்யவில்லை. இதனால் தோல்விப் படங்களாகக் கொடுத்து இப்போது தனக்கான இடத்துக்காக போராடி வருகிறார்.
இந்நிலையில் இப்போது அவர் ஆந்திர முதல்வர் ஜெகன் மோகன் ரெட்டியின் கதாபாத்திரத்தில் யாத்ரா 2 திரைப்படத்தில் நடித்துள்ளார். ஜெகன் மோகன் ரெட்டியின் தந்தையும் முன்னாள் முதல்வருமான ராஜசேகர ரெட்டியின் பயோபிக், ‘யாத்ரா’ என்ற பெயரில் எடுக்கப்பட்டு அதில் மம்மூட்டி நடித்தார் என்பது குறிப்பிடத்தக்கது.
அதன் தொடர்ச்சியாக இப்போது யாத்ரா 2 திரைப்படம் உருவாகி வருகிறது. இந்த படத்துக்கு சந்தோஷ் நாராயணன் இசையமைக்க முதல் லுக் போஸ்டர் வெளியாகி கவனம் ஈர்த்துள்ளது. இப்போது ஷூட்டிங் முடிந்துள்ள நிலையில் இந்த படத்தின் டிரைலர் வெளியாகி கவனம் ஈர்த்துள்ளது. படம் பிப்ரவரி 8 ஆம் தேதி ரிலீஸ் ஆகவுள்ளது.
