நடிகர் ஜெயம் ரவி நடிப்பில் ராஜேஷ் எம் இயக்கத்தில் ஹாரிஸ் ஜெயராஜ் இசையில் உருவாகியுள்ள திரைப்படம் ‘பிரதர்’. இந்த படத்தில் ரவியுடன் பிரியங்கா மோகன், பூமிகா, நட்டி நட்ராஜ் உள்ளிட்ட ஏராளமானோர் நடித்துள்ளனர். அக்கா தம்பிக்கு இடையிலான உறவை சொல்லும் நகைச்சுவை படமாக பிரதர் உருவாகியுள்ளது.
ஜெயம் ரவியின் திரைவாழ்க்கை கடந்த சில ஆண்டுகளாக நேர்மறையாக செல்லவில்லை. பொன்னியின் செல்வன் திரைப்படத்தைத் தவிர வேறு எந்த படமும் அவருக்கு சொல்லிக்கொள்ளும்படி அமையவில்லை. இதனால் பிரதர் படத்துக்கு பெரியலவில் எதிர்பார்ப்பு இல்லை. படத்தில் இடம்பெற்ற மக்காமிஷி என்ற பாடல் சென்சேஷன் ஹிட்டானது மட்டுமே படத்தின் மீதான எதிர்பார்ப்பைத் தூண்டியுள்ளது.
இந்நிலையில் தீபாவளியை முன்னிட்டு அக்டோபர் 31 ஆம் தேதி ரிலீஸான பிரதர் திரைப்படம் கலவையான விமர்சனங்களையே பெற்று வருகிறது. இதனால் படத்தின் வசூலும் பெரியளவில் இல்லை. முதல் இரண்டு நாட்களில் 5 கோடிக்கும் குறைவாகவே இந்திய அளவில் வசூலித்துள்ளதாக சொல்லப்படுகிறது.
