தளபதி 65 படத்தின் கதை சிம்புவுக்காக எழுதியதா? கொளுத்திப் போட்ட நெட்டிசன்ஸ்!

நெல்சன் இயக்கத்தில் விஜய் நடிக்கும் தளபதி 65 படத்தின் கதை வேட்டை மன்னன் படத்துக்காக எழுதப்பட்ட கதை என சொல்லப்படுகிறது.

கோடம்பாக்கமே இப்போது ஆச்சர்யமாக பார்க்கும் இயக்குனர் என்றால் அது நெல்சன்தான். அதற்குக் காரணம் தனது மூன்றாவது படத்திலேயே விஜய் பட வாய்ப்பை அவர் வாங்கியிருப்பதுதான். இதற்கு முன்னர் அவர் இயக்கிய கோலமாவு கோகிலா திரைப்படம் மட்டுமே வெளியாகியுள்ள நிலையில் தமிழ் சினிமாவின் டாப் நடிகரான விஜய்யை அவர் இயக்க உள்ளார்.

இந்நிலையில் இந்த படத்தின் கதை 2012 ஆம் ஆண்டு சிம்புவை வைத்து அவர் சில நாட்கள் படப்பிடிப்பு நடத்திய வேட்டை மன்னன் படத்தின் கதைதான் என சொல்லப்படுகிறது. ஆனால் இந்த தகவல் உண்மையில்லை என்றும் சொல்லப்படுகிறது. ஏனென்றால் வேட்டை மன்னன் கேங்ஸ்டர் கதை. ஆனால் விஜய் படமோ நகைச்சுவை படம் என சொல்லப்படுகிறது.