ஜி வி பிரகாஷ் இப்போது இயக்குனர் சீனு ராமசாமி இயக்கத்தில் இடிமுழக்கம் என்ற படத்தில் நடித்து முடித்துள்ளார்.
சீனு ராமசாமி இயக்கத்தில் ஜி வி பிரகாஷ் நடிக்கும் இடிமுழக்கம் படத்தின் படப்பிடிப்பு தொடங்கிய வேகத்தில் ஒரு மாதத்துக்குள்ளாக முடிந்தது. இந்த படத்தில் முதல் முதலாக ஆக்ஷன் கதையை தேர்வு செய்துள்ளார் என சொல்லப்படுகிறது. இப்போது இந்த படத்தின் பின் தயாரிப்புப் பணிகள் நடைபெற்று வருகின்றன.
இந்நிலையில் 2017 ஆம் வருடம் மலையாளத்தில் வெளியான லஷியம் என்ற படத்தின் ரீமேக்தான் இடிமுழக்கம் என்ற செய்தி பரவி வருகிறது. ஆனால் சீனு ராமசாமி ரீமேக் கதைகளை இயக்கமாட்டார். இதனால் ரசிகர்களுக்கு குழப்பம் ஏற்பட்டுள்ளது. இது சம்மந்தமாக படக்குழு விரைவில் முறையான அறிவிப்பை வெளியிடும் என எதிர்பார்க்கப்படுகிறது.
