கங்குவா மற்றும் சூர்யா 44 ஆகிய படங்களுக்குப் பிறகு சூர்யா ஆர் ஜே பாலாஜி இயக்கத்தில் உருவாகும் படத்தில் நடிக்கிறார். இந்த படத்தை டிரீம் வாரியர்ஸ் நிறுவனம் தயாரிக்கிறது. மிகக் குறுகிய கால படமாக உருவாகவுள்ள இந்த படம் அடுத்த ஆண்டு மத்தியில் ரிலீஸாக வாய்ப்புள்ளதாக சொல்லப்படுகிறது. படத்துக்கு ஏ ஆர் ரஹ்மான் இசையமைக்கிறார்.
இந்த படத்தின் பூஜை சமீபத்தில் கோயம்புத்தூரை அடுத்த பொள்ளாச்சியில் நடந்தது. அதன் பின்னர் தற்போது கோவை வேளாண்மை கல்லூரியில் செட் ஒன்று அமைத்து படமாக்கி வருகிறார் இயக்குனர் ஆர் ஜே பாலாஜி. படத்தில் கதாநாயகியாக த்ரிஷா ஒப்பந்தம் ஆகியுள்ளதாக சொல்லப்படுகிறது.
இந்நிலையில் நேற்று படத்தின் ஒளிப்பதிவாளராக ஜி கே விஷ்ணு அறிமுகப்படுத்தப்பட்டார். அதற்கான போஸ்டரில் ஏ ஆர் ரஹ்மான் பெயர் இடம்பெறவில்லை. இதனால் அவர் இந்த படத்தில் இருந்து விலகியுள்ளதாக சொல்லப்படுகிறது. சமீபத்தில் ரஹ்மான் குடும்ப வாழ்வில் ஒரு பிரச்சனையை எதிர்கொண்டு வருகிறார் என்பதால் அதன் காரணமாக இந்த முடிவெடுக்கப்பட்டு இருக்கலாம் என சொல்லப்படுகிறது.
