உலகநாயகன் கமல்ஹாசன் நடித்த ’இந்தியன் 2’ திரைப்படம் வரும் ஜூலை 12ஆம் தேதி வெளியாக இருப்பதாக அறிவித்த நிலையில் இந்த படத்தின் இரண்டாவது சிங்கிள் பாடல் ரிலீஸ் தேதி சற்றுமுன் அறிவிக்கப்பட்டுள்ளது.
’இந்தியன் 2’ படத்தின் முதல் சிங்கிள் பாடல் கடந்த சில நாட்களுக்கு முன்னர் வெளியானது என்பதும் இந்த பாடல் இணையத்தில் வைரலானது என்பதையும் பார்த்தோம்.
இந்த நிலையில் இரண்டாவது சிங்கிள் பாடல் வரும் 29ஆம் தேதி வெளியாக இருப்பதாக அறிவிக்கப்பட்டுள்ளது. மேலும் இந்த அறிவிப்பில் சித்தார்த் மற்றும் ரகுல் பிரீத் சிங் இருக்கும் ஸ்டில் ஒன்றை வெளியிடப்பட்டுள்ள நிலையில் இந்த பாடல் இருவருக்கும் என்பது உறுதி செய்யப்பட்டுள்ளது. அனிருத் கம்போஸ் செய்த இந்த பாடல் சூப்பர் ஹிட் ஆகும் என்று எதிர்பார்க்கப்படுகிறது
கமல்ஹாசன், காஜல் அகர்வால், சித்தார்த், ரகுல் ப்ரீத் சிங், ப்ரியா பவானி சங்கர், சமுத்திரக்கனி, பாபி சிம்ஹா, டெல்லி கணேஷ், ஜெயபிரகாஷ், குரு சோமசுந்தரம், வெண்ணிலா கிஷோர், ஜார்ஜ் மரியான், மனோபாலா உள்ளிட்ட பலர் இந்த படத்தில் நடித்துள்ளனர். ஷங்கர் இயக்கத்தில் உருவான இந்த ரத்னவேலு, ரவிவர்மன் ஒளிப்பதிவில், ஸ்ரீகர் பிரசாத் படத்தொகுப்பில் உருவாகியுள்ளது.
