கமல்ஹாசன் நடிப்பில் ஷங்கர் இயக்கத்தில் உருவாகி வரும் ’இந்தியன் 2’ படம் தொடங்கப்பட்டு நான்கு ஆண்டுகளுக்கு மேலாகியும் இன்னும் ரிலீஸாகவில்லை. படப்பிடிப்புத் தளத்தில் நடந்த விபத்துக் காரணமாக மூன்று பேர் உயிரிழந்ததை அடுத்து படப்பிடிப்பு நிறுத்தப்பட்டது. அந்த பிரச்சனைகளை எல்லாம் கடந்து, தற்போது இந்த படத்தை இயக்கி வருகிறார் ஷங்கர். இப்போது இந்தியன் 2 ஷூட்டிங் சென்னையில் நடந்து வரும் நிலையில் கிட்டத்தட்ட ஒருமாதம் இங்கு ஷூட்டிங் நடக்க உள்ளதாக தகவல்கள் வெளியாகியுள்ளன. இந்த ஷூட்டிங் நிறைவடையும் போது கிட்டத்தட்ட 90 சதவீத படப்பிடிப்பு நிறைவடைந்திருக்கும் என தகவல்கள் வெளியாகியுள்ளன.
இந்நிலையில் சென்னை ஷூட்டிங்கை முடித்துவிட்டு இந்தியன் 2 படக்குழு அடுத்து தனுஷ்கோடியில் முக்கியக் காட்சிகளை படமாக்க உள்ளதாக தகவல்கள் வெளியாகியுள்ளன. தற்போது ராம்சரண் படத்தின் வேலைகள் நிறுத்தி வைக்கப்பட்டுள்ளதால் ஷங்கர் முழுமூச்சாக இந்தியன் 2 படத்தை இயக்கி வருகிறார்.
