இதுவரை மூன்று மலையாளப் படங்களில் முக்கிய கேரக்டரில் நடித்த ஆர்யா, முதன்முறையாக ஹீரோவாக நடிக்கிறார்.
மோகன்லால் நடிப்பில் வைசாக் இயக்கிய சூப்பர் ஹிட் படம் ‘புலிமுருகன்’. 25 கோடி ரூபாய் செலவில் எடுக்கப்பட்ட இந்தப் படம், 152 கோடி ரூபாய் வசூல் செய்துள்ளது. தமிழில் கூட இந்தப் படத்தை டப் செய்து வெளியிட்டனர்.
இந்தப் படத்தின் இயக்குநரான வைசாக், தன்னுடைய அடுத்த படத்தின் வேலைகளைத் தொடங்கிவிட்டார். இந்தப் படத்தில்தான் ஹீரோவாக நடிக்கிறார் ஆர்யா. தமிழ் மற்றும் மலையாளம் என ஒரே நேரத்தில் இரண்டு மொழிகளிலும் தயாராகிறது இந்தப் படம். மற்ற நடிகர் – நடிகைகள் தேர்வு நடைபெற்று வருகிறது.
தற்போது, அமீரின் ‘சந்தனத்தேவன்’ படத்தில் நடித்துவரும் ஆர்யா, அடுத்து சுந்தர்.சி.யின் ‘சங்கமித்ரா’வில் நடிக்கப் போகிறார். இந்தப் படத்தை எடுக்க ஒரு வருடத்திற்கு மேல் ஆகும் என்பதால், முதலில் மலையாளப் படத்தை முடித்துக் கொடுக்கத் திட்டமிட்டுள்ளாராம் ஆர்யா.
