இசைஞானி இளையராஜாவின் வாழ்க்கை வரலாறு குறித்த திரைப்படத்தின் அதிகாரப்பூர்வ அறிவிப்பு நேற்று வெளியானது. இந்த படத்தை இளையராஜாவோடு இணைந்து கனெக்ட் மீடியாவோடு தயாரிக்கிறார். இந்த படத்தில் தனுஷ் இளையராஜாவாக நடிக்க, அருண் மாதேஸ்வரன் இயக்கவுள்ளார். படத்துக்கு நீரவ் ஷா ஒளிப்பதிவு செய்ய, முத்துராஜ் கலை இயக்குனராக பணியாற்றுகிறார். கமல்ஹாசன் திரைக்கதை எழுத உள்ளதாக சொல்லப்படுகிறது.
இந்த படத்தின் தொடக்க விழாவில் வெற்றிமாறன், கமல்ஹாசன் மற்றும் பாரதிராஜா உள்ளிட்ட தமிழ் சினிமா பிரமுகர்கள் கலந்துகொண்டனர். இந்த பட அறிவிப்பு கோடிக்கணக்கான இளையராஜா ரசிகர்கள் மத்தியில் மகிழ்ச்சியை ஏற்படுத்தியுள்ளது.
படத்தின் ஷூட்டிங்கை அக்டோபரில் தொடங்க உள்ளதாக தகவல்கள் வெளியாகின. இந்நிலையில் கமல்ஹாசன் இந்த படத்தின் திரைக்கதையை எழுதுவார் என சொல்லப்பட்ட நிலையில் அவர் இப்போது தேர்தல் மற்றும் மற்ற படங்களில் பிஸியாக இருப்பதால் தனுஷே திரைக்கதையை எழுத உள்ளதாக தற்போது தகவல்கள் வெளியாகியுள்ளன.
